MariCell Footguard er sérhannað fótakrem sem mýkir sigg, hjálpar sprungnum hælum og endurnýjar þykka húð á iljum. Formúlan byggir á samstarfi vísinda og náttúru: lífvirk prótein, omega‑3 fitusýrur úr fiski og ávaxtasýrur vinna saman til að jafna húðina og veita henni styrk og mýkt.
Virkni Footguard er þríþætt, þar sem mOmega3 fitusýrurnar viðhalda heilbrigði ysta lags húðarinnar, karbamíð gefur húðinni raka og eykur vatnsbindigetu og ávaxtasýran mýkir og fjarlægir efsta lag húðarinnar. Með þessari þríþættu virkni getur Footguard meðhöndlað og komið í veg fyrir sigg, þykka húð og sprungna hæla.
Sigg er húð sem orðið hefur þykk og hörð vegna núnings, þrýstings eða ertingar. Nánar tiltekið er hér um að ræða þykknun á hyrnislagi yfirhúðarinnar. Það myndast til að vernda vefi sem liggja dýpra í húðinni. Sigg er ekki hættulegt en getur stundum leitt til sýkinga eða sára. Baldur Tumi húðsjúkdómalæknir þróaði fyrst MariCell Footguard kremið fyrir fólk með sykursýki í huga, en fótaþurrkur er þekkt vandamál sem fylgir þessum hópi sjúklinga.
Skemmt hyrnisfrumulag í húð getur valdið siggmyndun. mOmega3™ samanstendur af fitusýrum úr íslenskum fiski sem með sérþróaðri aðferð endurheimta og mýkja hyrnisfrumulagið. Þessar fitusýrur vinna djúpt í húðinni til að draga úr uppsöfnun dauðra frumna og styðja náttúrulegt jafnvægi húðarinnar.
Berið MariCell Footguard á hreina, þurra fætur kvölds og morgna. Nuddið varlega inn í þykk svæði, sigg eða sprungna hæla þar til kremið hefur smogið inn. Forðist að bera kremið á milli táa.
Myndin sýnir árangur eftir 17 daga notkun á MariCell Footguard. 58 ára heilbrigð kona sem stundar langar gönguferðir og hefur átt í verulegum vandræðum með sprungna og harða húð á fótum.
Myndin sýnir árangur eftir 19 daga notkun á MariCell Footguard. 65 ára kona með Psoriasis á iljum og hefur glímt við þurra húð, sigg, kláða og óþægindi sem erfitt getur verið að meðhöndla.
